Na sesión de hoxe imos continuar traballando un pouquiño o equilibrio. Para iso anímovos a practicar realizando tres xogos.
COLORÍN, COLORÍN
Para este xogo precisamos atar case a ras do chan, unha cordiña con papeis de diferentes cores colgando. O neno/a colocarase próximo á corda e terá que tocar tantas veces como lle digamos, o papeliño da cor que indiquemos. Por exemplo: toca a cor amarela tres veces. O neno/ a levantará o pé dominante e tocará tres veces seguidas, sen pousar o pé no chan, o papeliño amarelo. Repetiremos coas diferentes cores e cando rematemos, faremos que o neno/a o intente co outro pé.
![](https://i.pinimg.com/564x/31/3f/cd/313fcd72c6260ec1742bc699b240d060.jpg)
CARREIRA
Coa axuda de dúas macetas de plástico e varios globos pequenos cheos de auga imos realizar o seguinte xogo. Ataremos nos pés do neno/a as macetas segundo se indica na imaxe. Trazaremos un percorrido e nun extremo do mesmo colocaremos un montón de globos. O neno/a terá que coller coas mans dous globos e colocalos en cadansúa maceta. Fará o percorrido camiñando e ao chegar á meta deixará os globos noutro recipiente pero sen collelos coas mans. Esta vez terá que levantar os pés para depositar os globos no novo recipiente.
![Juegos](https://i.pinimg.com/564x/ed/93/7c/ed937c9693a65d6d7f8b63c0a4fd6c74.jpg)
CAMIÑATA SOBRE CHURRO
Agora imos necesitar un churro de piscina. Colocarémolo sobre o chan e o cativo deberá camiñar descalzo sobre el mantendo o equilibrio.
![](https://i.pinimg.com/564x/de/c5/1b/dec51b306f7eb8edca3436f8fe4e3c1b.jpg)
No hay comentarios:
Publicar un comentario