Queridos nenos e nenas:
Esta foi a derradeira sesión de psicomotricidade deste curso; un curso atípico que permanecerá na nosa memoria para sempre e que, de seguro, nos fixo aprender unha gran lección.
A aqueles que seguides en Educación Infantil, dicirvos que nos vemos o curso que ven. Estareivos agardando cos brazos abertos e chea de xogos para compartir.
Aos que pasades para Primaria, dicirvos que foi un pracer ser a vosa profe. Sodes uns nenos e nenas incribles e todos e cada un de vos deixa unha pegada importante no meu corazón. Espero que na nova etapa que ides iniciar teñades moita sorte e estou segura de que ides lograr todo o que vos propoñades. Non renunciedes nunca a loitar por acadar as vosas metas porque, con ilusión e esforzo, todo é posible. Non deixedes nunca de soñar, de voar, de xogar e aínda que medredes, non deixedes nunca de ser nenos.
Que pasedes un feliz verán.
Un biquiño.
Mª José Fernández.
No hay comentarios:
Publicar un comentario