CON SABOR DOCE.

        Aínda que todos sabemos que as chuches non son NADA BOAS para a nosa saúde, hoxe imos facer unha pequena excepción porque imos precisar dalgunhas para levar a cabo as diferentres actividades propostas. Con elas  trataremos de mellorar a mobilidade dos beizos, da lingua e da mandíbula e adquirir tono en toda a súa musculatura.

• Cun pau tipo MiKado:

• Con nocilla:

      Untaremos os beizos do neno/a cunha pouca nocilla. Coa lingua terá que limparse totalmente.

• Cun chupa:

   Colocaremos o chupa próximo á boca do neno/a ( por diante, por un lado, polo outro lado, cara arriba). Este deberá sacar a lingua e tratar de tocar o chupa coa punta. Trataremos de que lle coste e teña que estarricar bastante a lingua para chegarlle. 

• Cun verme de gominola:

     O neno/a agarrará cos beizos un verme de gominola por un dos seus extremos. Nós agarrarémolo polo outro extremo e tiraremos por el. O neno/a deberá facer forza para non quedarse sen verme.

SEGUINDO O RITMO

            Escoitaremos unha canción ben coñecida por todos e seguiremos as indicacións que marca a letra da mesma. Pero por se hai algunha dúbida...

1. Camiñar lentamente.
2. Camiñar rápido pero sen chegar a correr.
3. Camiñar na punta dos pés.
4. Estilo marcha soldado.
5. Camiñamos movendo a cadeira dun  lado para outro.
6. Cos brazos extendidos, facemos oscilar o corpo dun lado a outro sen dobrar os brazos.
7. Saltamos cos pés xuntos. 

XOGANDO COS PÉS

      Onte xogamos coas mans e hoxe toca facelo cos pés.

Primeiro: Facemos garabatos cos pés.

Segundo: Trasladamos pelotas dun recipiente a outro.

Terceiro: Camiñamos cunha corda anudada entre as dedas.

XOGANDO COAS MANS

  Ola! Espero que esteades todos ben. Queredes xogar coas mans? Pois facede o que se indica no seguinte video.

         Agora propóñovos un xogo moi divertido e que será máis emocionante se o facedes por parellas, estilo competición.

        O papá ou a mamá terán que atar o extremo dunha cordiña a un obxecto fácil de manipular; pode ser unha caixa de zapatos, por exemplo. No outro extremo atarán un pauciño ( se non o tedes, podedes empregar unha culler de madeira, a maneta do mortero ou mesmo un lapis triplus). O neno/a estará situado nun recuncho da habitación co pauciño na man e a caixa de zapatos estará alonxada coa corda totalmente desenrolada. A actividade consistirá en que o neno/a deberá ir enrolando pouco a pouco a cordiña para que a caixa se achegue.

A RULETA DA RELAXACIÓN.

      A tarefa de hoxe consistirá en fabricar unha ruleta como a que se amosa na imaxe. O neno/ a deberá facela xirar e imitar a postura de ioga que saia elixida. Se non queredes facer a ruleta, tamén podedes empregar un dado. Forraredes unha caixa con forma de cubo e en cada unha das caras pegaredes unha imaxe. O neno/a lanzará o dado ao aire e... A XOGAR!!!

A LINGUA REBULIDEIRA

  Ola! Hoxe propóñovos unha canción para bailar coa lingua. Facer bailar a lingua deste xeito fará que en pouco tempo faledes moitísimo mellor. Ánimo!

   Agora anímovos a xogar en familia. Para iso ides necesitar un ariño de plástico e unha palliña por persona. Distribuidos en roda e sostendo a palliña coa boca, teredes que pasar o aro de palla en palla sen que este caia. A quen lle caia, perderá o xogo. 

UNA MANÉ

REUTILIZANDO

     Nas nosas casas hai un sen fin de obxectos que podemos reutilizar empregando un pouquiño a nosa  imaxinación. Reutilizar permitiranos darlle un uso alternativo a materiais que nun principio tiñamos pensado tirar ao lixo pero ademais, activará a nosa creatividade e neste caso, aportaranos un momento de diversión.

     Aquí vos deixo unha serie de ideas para crear diferentes xoguetes reutilizando. Por suposto, xoguetes cos que estimular a motricidade dos máis pequenos.

CON TESOIRAS

   Hoxe imos traballar un pouquiño coas tesoiras. Para iso imos empezar cunha tarefa preparatoria que servirá de quentamento e ao mesmo tempo, axudará aos nenos/as a entender un pouquiño cal é a forma correcta de coller as tesoiras.

Tarefa preparatoria: propóñovos un xogo para o que necesitaremos unha botella baleira de lavalouza e varios cilindros do papel hixiénico. O primeiro que faremos é numerar cada un dos cilindros e cortar neles unha porta. Co anaco de cartón que retiramos das portas faremos fichas circulares e escribiremos un número tamén en cada unha delas ( no lugar de números podemos tamén empregar cores ou letras). Colocaremos os cilindros como se ve na imaxe. O neno/a , presionando a botella cos dedos e facendo sair o aire dela, deberá meter as fichas na porta correspondente. É moi importante que o voso fillo/a colla a botella como se indica na imaxe.

Traballo con tesoiras: Do mesmo xeito que ensinamos a coller o lapis de maneira adecuada, tamén hai que aprender a coller as tesoiras correctamente. Para iso, os cativos deben rotar a man co polgar cara arriba e o pequeniño cara abaixo.

• O polgar debe estar dentro dun dos  buratos da tesoira.
• O dedo índice sempre fóra.
• Os dedos maior e anular dentro do outro burato.

Empregando tesoiras de punta roma, os nenos/as realizarán diferentes recortes. Se o neno/a é zurdo, é importante darlle unha tesoira para zurdos.

Aquí vos deixo unha idea divertida.

XOGANDO COS ANIMAIS

  Ola! Hoxe imos seguir as instrucións destes simpáticos animais.

  Para continuar propóñomos o xogo doutro animal: a tea de araña.

   O papá ou a mamá diseñarán no corredor da casa unha tea de araña xigante coa axuda de cinta carrocera ou similar. Os nenos/as deberán atravesar a tea con moito tino para non rompela. ( se preferimos, podemos empregar sillas e unha corda).

CALIMERO

     Ola chicos e chicas!

  Si, son eu, Calimero. Espero que esteades todos ben. Eu estou aquí no cole, botándovos MOITÍSIMOOOO  de menos. O cole sen vós non é o mesmo. Está baleiro das vosas risas contaxiosas, dos vosos berros de ledicia, das vosas miradas sinceras e tamén algo pícaras, das vosas mans amigas, das vosas ocurrencias e das vosas ansias  de aprender. Pero aínda baleiro, está cheo de ESPERANZA e de ILUSIÓN. Cheo de esperanza de que este becho malvado que agora nos obriga a estar separados e encerrados nas nosas casas desapareza moi pronto e axiña poidamos volver a estar xuntos de novo.  E cheo de ilusión por compartir convosco novos retos, novos xogos e sobre todo momentos de amizade... 
  Sabedes ben que me gusta moito durmir pero o  día no que volvamos ao cole estarei esperto, esperándovos cos brazos abertos para enchervos de BICOS. Mándovos agora un ENORMEEE. Pilládeo no aire e estoupádeo na cara porque nel vai todo o meu cariño e o meu amor.😗

REPOSTERÍA.

  Ola! Espero que esteades todos ben. Como a repostería está collendo un boom estes día, quero aprobeitar para deixarvos unha receta coa que os nenos/as, ademais de pasar un momento moi divertido, estarán traballando a motricidade fina. Espero que vos guste.

FÓRA TENSIÓNS

  Hoxe toca liberar tensións e para iso propóñovos dous xogos.

• Manter a mirada: pai/nai e fillo/a deberán mirarse fixamente sen pestanexar. O primeiro que o faga perderá.
• Aguantar a risa: o papá ou a mamá terán que facer monerías e o neno/a deberá aguantar sen rir. Se o fai, perderá e pasará a ser el o que ten que facer rir.
  

    A música é un elemento  moi importante para o ser humano. Acompáñanos ao longo da nosa vida e axúdanos a mellorar o noso estado de ánimo e a aliviar tensións. Por iso convídovos a que escoitedes cos vosos fillos esta canción, tantas veces escoitada na clase, e que, por un intre, esquezades os vosos problemas, as vosas ocupacións e vos deixedes levar pola música. Todos somos Tadeo Jones nesta aventura que é a VIDA e está claro, como di a canción, que TODO É POSIBLE SE ESTAMOS XUNTOS. ÁNIMO!!

MOTILIDADE OCULAR

   A sesión de hoxe está adicada a un aspecto da psicomotricidade moitas veces esquecido pero que é imprescindible para poder levar a cabo con éxito accións da vida diaria, como subir ou baixar escaleiras e tamén actividades do ámbito académico como debuxar, ler ou escribir. Este aspecto é a MOTILIDADE OCULAR, que fai referencia ao movemento coordinado dos ollos e que lle permite ao cerebro interpretar correctamente as imaxes que recibe tridimensinalmente. Para realizar correctamente estes movementos é preciso que os músculos dos ollos teñan un funcionamento óptimo.

  Se queredes saber máis: http://www.acotv.org/es/area-visual/17-problemas-visuales/27-disfunciones-de-la-motilidad-ocular.html
   De seguido propóñense tres actividades que traballan a motilidade ocular.

MIRANDO AO LONXE: O proxenitor situarase a metro e medio do seu fillo e terá seis tarxetas na man, cada unha cun número  ( os números deben ser coñecidos polo neno/a polo que podemos repetir varias veces o mesmo número no caso de nenos de tres anos). Pedirémoslle ao neno que peche os ollos con forza e ao noso sinal abrirá os ollos e,  mirando para a tarxeta, deberá dicir que número ve. Repetiremos  con cada unha das tarxetas.

  No mundo no que vivimos, cheo de pantallas, a penas adicamos tempo a mirar ao lonxe e esto é importantísimo. Estes días de confinamento, facede que os vosos fillos miren pola fiestra, que contemplen o que hai, o que pasa ao seu arredor.

PAREDE DE CORES: Pegaremos na parede dunha habitación varios círculos de cores a diferentes alturas. A habitación non estará a escuras pero si a media luz. O neno situarase diante da parede, a un metro de distancia e mirando ao fronte. O proxenitor, coa axuda dunha lanterna, alumeará un círculo determinado. O neno, sen mover a cabeza, só os ollos ( cara arriba,  cara abaixo, cara un lado), deberá dicir de que cor se trata. Repetiremos con cada cor.

ACTIVIDADE 3: Presentarémoslle ao neno unha lámina como a seguinte e pedirémoslle que mova as dúas fichas ( poden ser as tapas de dúas botellas) á vez sobre as liñas marcadas.

A MOVER O ESQUELETE !!!